Kuphele ubuqhwaga kuNtsiki esexolisa
USONKONDLO wakuleli, uNtsiki Mazwai, usezehlisile waxolisa ngabekubhala ngoNgqongqoshe, uMnuz Gayton McKenzie, ezinkundleni zokuxhumana.
UNtsiki usole uMcKenzie ngokuba netiye nenkohlakalo ngenxa yokuthi akabanga yingxenye yababhali baluleli abaseCuba, kunalokho kuthathwe u-Unathi Nkayi. UMcKenzie umsabise ngokumfaka enkantolo
Ephendula ungqongqoshe uNtsiki, uthe azimdikizisi ngisho inqulu izinsongo zokufaka abezomthetho engxabanweni yabo
Le ntokazi yaduma kakhulu ngokupikwa nguDJ Fresh engomeni ethi Urongo (Definition of House Two), ibephendula uMcKenzie emuva kokuba emsabise ngokumfaka enkantolo ngoba uNtsiki emsole ngokukhohlakala nokuba netiye.
UNtsiki ucikwe ukungaveli kwegama lakhe ohlwini lwabalobi abawu-15 bezincwadi abamele iNingizimu Afrika emkhosini wababhali bamazwe ngamazwe oqhubeka kuleli sonto, i-Havana International Book Fair, eCuba.