UKHALELWE amasongo kaSigonyela yize ebese esezishutheke ethoyilethi, ezama ukucasha umsolwa wesithathu, ngesikhathi amaphoyisa abethelwe ngezibonkolo, edubula, ebulala ‘abangani’ asolwa nabo ngobugebengu eNhlungwane, eNanda.
Kuthe amaphoyisa etheleka endlini abafice kuyo abebefunwa, bavele bavulela ngenhlamvu bebhekise kuwo, nawo abuyisele ngayo, kwafa ababili.
Amaphoyisa athe abafi kusolwa ukuthi bayingxenye yeqembu lemigulukudu, i-West, okuthiwa likhathazile ngobugebengu endaweni. Batholwe nezibhamu ezimbili, kanti lo oboshiwe kulindeleke ukuthi avele enkantolo maduze